गायिका शर्मिला फुयालको तीज गीत ‘राजाले दिएको’ सार्वजनिक

काठमाडौँ। गायिका शर्मिला फुयालको ‘राजाले दिएको’ बोलको तीज गीत सार्वजनिक भएको छ।

हिन्दु नेपाली नारीहरूको महान चाड हरितालिका तिजलाई लक्षित गरी गीत सार्वजनिक गरिएको हो। केशवराज भट्टको निर्देशनमा बनेको भिडियोमा स्मारिका ढकालको साथमा धादिङ थाक्रेकी स्नेहा रुपाखेतीले पहिलो डेब्यू नृत्य गरेकी छन्। भिडियोमा गायिका फुयालको समेत अभिनय रहेको छ।

पछिल्लो समय गीतलाई दर्शकसामु भाइरल बनाउन भड्किलो तथा दोहोरो अर्थ लाग्ने शव्द चयन गर्ने क्रम बढिरहेका बेला मौलिक शब्दहरूलाई आधुनिक तरिकाले प्रस्तुत गरिएको छ।