सिडी विजय अधिकारी र विन्दु परियारको ‘चोखो माया’ सार्वजनिक

काठमाडौँ। सिडी विजय अधिकारी र विन्दु परियारको स्वर रहेको गीत ‘चोखो माया’ सार्वजनिक भएको छ।

‘अनिल कटवाल अफिसियल’ युट्युब च्यानलबाट बुधबार गीतको म्युजिक भिडियो सार्वजनिक भएको हो।

निरा पीजीले शब्द सिर्जना रहेको गीतमा संगीत र मिक्सिङ राजकुमार बगरको रहेको छ। ‘त्रिवेणी डिजिटल’ स्टुडियोमा रेकर्ड भएको गीत कमल सौरागले एरेन्ज गरेका छन्।

म्युजिक भिडियोमा अनिल कटवाल र याङ्गी दोङ तामाङको अभिनय छ। सोम लामाको नृत्य निर्देशन रहेको गीत देवेन्द्र कार्कीले खिचेका हुन्।

धन बहादुर तामाङ (सागर)ले निर्देशन गरेको भिडियो वीर बहादुर थारुले सम्पादन गरेका हुन्।