भारतीय गायक अरिजीत सिंह नेपाल आउने

काठमाडौँ । चर्चित भारतीय गायक अरिजीत सिंह नेपाल आउने भएका छन् ।

उनी आफ्नो प्रस्तुति दिन पहिलोपटक नेपाल आउन लागेका हुन् । ‘अरिजीत सिंह लाइभ इन नेपाल’ मसिंर ९ गते शनिबार हायातमा हुनेछ ।

भारतीय पार्श्व गायकका रूपमा परिचित अरिजीत सिंहले एकभन्दा अर्को हिट गीतहरु दिएका छन् । नेपालमा उनका थुप्रै फ्यानहरु रहेका छन् ।

यस कन्सर्टको साधारण टिकट मूल्य ४ हजारबाट सुरू हुनेछ । थप सुविधासहित अरू टिकट दरहरू समेत उपलब्ध हुने आयोजक ग्यारेज इन्टरटेनमेन्ट र एमएन प्रोडक्सनले जनाएको छ ।

साउन ३० गतेदेखि बिक्री खुला हुने टिकट खल्ति डिजिटल वालेटबाट मात्रै खरिद गर्न सकिने छ । यस कार्यक्रमले नेपालको मनोरञ्जन क्षेत्रमा योगदान गर्ने आयोजकको विश्वास छ ।