एजेन्सी । साउथ अभिनेत्री तमन्ना भाटिया चाँडै सुपरस्टार रजनीकान्तको फिल्म ‘जेलर’मा देखिनेछिन् । हालै तमन्नालाई फिल्ममा उनको र सहकलाकारबीचको उमेरको अन्तरबारे प्रश्न गरिएको थियो । वास्तवमा ३३ वर्षीया तमन्नाले ७२ वर्षीय रजनीकान्तसँग फिल्ममा काम गरेकी छिन् । दुवैको उमेरमा ३९ वर्षको अन्तर छ ।
उमेरको यो अन्तरबारे तमन्नाले ६० वर्षको उमेरमा पनि डान्स नम्बर गर्न तयार हुने बताइन् । जसरी टम क्रुजले ६० वर्षको उमेरमा पनि आफै स्टन्ट गर्छन् ।
‘जेलर’को ‘तु आ दिलबरा’ गीतको लञ्च कार्यक्रममा उक्त कुराकानी भएको हो । उमेरको अन्तरमा तमन्नाले भनिन्– ‘उमेरको अन्तर जस्तो कुरामा पनि किन ध्यान दिनुहुन्छ रु तपाईंले स्क्रिनमा देखिने पात्रहरूमा मात्र ध्यान दिनुपर्छ ।’
हलिउड स्टार टम क्रुजको उदाहरण दिँदै तमन्नाले भनिन्– ‘यदि उमेरको कुरा गर्ने हो भने म भन्छु टम क्रुजलाई हेर, उनी ६० वर्षको उमेरमा पनि स्टन्ट आफै गर्छन् । कुनै पनि बडी डबल प्रयोग गर्दैनन् । मलाई ६० वर्षको उमेरमा पनि यस्तै नाच्न मन लाग्छ ।’
फिल्ममा तमन्ना भाटिया सुपरस्टार रजनीकान्तसँग कवला गीतमा नाच्दै देखिएकी छन् । रजनीकान्त र तमन्नाले गीतको हुक स्टेप सँगै गरिरहेका छन् । यस गीतमा शिल्पा राव र अनिरुद्ध रविचन्दरको आवाज रहेको छ । गीतमा अनुराज कामराजको शब्द रहेको छ । फिल्म यसै वर्ष अगस्ट १० मा रिलिज हुँदैछ ।
फिल्मका निर्देशक नेल्सन दिलीप कुमार हुन् । फिल्ममा रजनीकान्तले जेलरको भूमिका निर्वाह गरेका छन् जो मिसनमा छन् । फिल्ममा कन्नड सुपरस्टार शिव राजकुमार, रामैया कृष्णन, योगी बाबु, वसन्त रवि र विनायकन देखिनेछन् । फिल्ममा मलयालम सुपरस्टार मोहनलाल पनि विशेष भूमिकामा रहनेछन् । योसँगै फिल्ममा बलिउड अभिनेता ज्याकी श्राफ पनि देखिनेछन् ।
