एजेन्सी । बलिउड अभिनेत्री तथा मोडल गौहर खानले आमा बनेपछि मात्र १० दिनमा १० किलो तौल घटाएकी छन् । उनले तौल घटाएपछिको तस्बिर सामाजिक सञ्जालमा सेयर गरेकी छन् । मे १० मा गौहर खानले छोरालाई जन्म दिएकी थिइन् ।
तस्बिर सेयर गर्दै उनले लेखेकी छन्, ‘डेलिभरीको १० दिनमा मैले १० किलो तौल घटाएको छु ।’ यद्यपि, उनले आफ्नो तौल कसरी घटाइन् भन्नेबारे भने खुलाएकी छैनन् । उनले आफ्नो लक्ष्य अझै पूरा नभएको भन्दै अझै ६ केजी घटाउनुपर्ने पनि फोटोसँगै लेखेकी छन् ।
२५ डिसेम्बर २०२० मा, गौहर र जैदले मुम्बईको आईटीसी ग्रान्ड मराठा होटलमा विवाह गरेका थिए । गौहर र जैदको उमेरमा १२ वर्षको अन्तरका कारण विवाह त्यतिखेर चर्चामा थियो । यो जोडीको प्रेम कथा कुनै फिल्म भन्दा कम थिएन ।
जैदले पहिलो पटक गौहरलाई एउटा किराना पसलमा देखेका थिए, त्यसपछि उनले गौहरलाई म्यासेज गरेर भेट्ने इच्छा व्यक्त गरेका थिए । दुईबीचको सम्बन्ध मित्रताबाट सुरु भएको थियो, लामो समय एकअर्कालाई डेट गरेपछि यी जोडीले विवाह गर्ने निर्णय गरेका थिए ।
