सुनको भाउ अहिलेसम्मकै उच्च

काठमाडौँ । सुनको भाउ अहिलेसम्मकै उच्च भएको छ ।

आज सुन तोलामा ९०० रुपैयाँले बढेर अहिलेसम्मकै उच्च तोलाको १ लाख ४७ हजार आठ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको एक लाख ४६ हजार नौ सय रुपैयाँमा कारोबार भएको थियो ।

आज चाँदीको भाउ घटेको छ । चाँदी आज तोलामा १० रुपैयाँले घटेर तोलाको १ हजार आठ सय ७५ रुपैयाँमा कारोबार भइरहेको महासङ्घले जनाएको छ ।