सुनको मूल्यमा फेरि नयाँ रेकर्ड

काठमाडौँ । आज स्थानीय बजारमा सुनको मूल्यले फेरि नयाँ रेकर्ड कायम गरेको छ । सुनको मूल्य आज हालसम्मकै उच्च भएको हो ।

आज छापावाल सुन अघिल्लो दिनको तुलनामा प्रतितोला १ हजार ६०० रुपैयाँले बढेर १ लाख ४० हजार रुपैयाँ पुगेको छ । हिजो १ लाख ३८ हजार ४०० मा कारोबार भएको थियो ।

नेपाल सुनचाँदी व्यवसायी महासंघका अनुसार तेजाबी सुन प्रतितोला १ लाख ३९ हजार ३०० रूपैयाँमा कारोबार भइरहेको छ भने आज चाँदी प्रतितोला ६० रुपैयाँले बढेर १ हजार ८०५ रुपैयाँमा कारोबार भइरहेको छ ।