काठमाडौँ । आज आइतबार नेप्से परिसूचक दोहोरो अंकले घटेर बन्द भएको छ । नेप्से परिसूचक २५.६३ अंकले घटेर २ हजार १३०.१८ विन्दुमा कायम भएको छ ।
आज ३०८ स्क्रिप्सको २ करोड २८ लाख २० हजार २७९ कित्ता शेयर ७ अर्ब ६७ करोड ७७ लाख ४० हजार ५८ रुपैयाँमा खरिदबिक्री भए । दोहोरो अंकले ओरालो लागेको बजारमा आँखु खोला जलविद्युत, समाज लघुवित्त वित्तीय, हिमालयन लघुवित्त, मिड सोलु हाइड्रोपावर र शिव श्री हाइड्रोपावर कमाउने शीर्ष पाँचभित्र परे ।
यसदिन सीईडीबी हाइड्रोपावर डेभलपमेन्टका लगानीकर्ताले भने गुमाए । सो कम्पनीको शेयर मूल्य ८.२७ प्रतिशतले घट्यो । कारोबार रकमका आधारमा हिमालयन रिइन्स्योरेन्स शीर्षस्थानमा रह्यो । सो कम्पनीको ५६ करोड बढी मूल्यको सेयर कारोबार भयो ।
हिमाल दोलखा हाइड्रोपावरको २२ करोड,अपी पावरको २० करोड,नेपाल रिइन्स्योरेन्सको २० र सोनापुरको १९ करोड बढी मूल्यको शेयर कारोबार भयो ।
