सुनको भाउ ७०० रुपैयाँले घट्यो

काठमाडौँ । आज सोमबार सुनचाँदीको भाउ घटेको छ ।

गएको बिहीवारदेखि हिजोसम्म तोलाको १ लाख १९ हजार ५०० रुपैयाँमा कारोबार भएको सुनको भाउ आज चार दिनपछि घटबढ भएको हो ।

आज सुनको तोलामा सात सय रुपैयाँले घटेर १ लाख १८ हजार ८ सय रुपैयाँमा कारोबार भइरहेको छ ।

यस्तै, चाँदीको भाउ आज तोलामा ५ रुपैयाँ घटेको छ । यसअघि तोलाको १ हजार ४२० रुपैयाँ रहेको चाँदी आज १ हजार ४१५ रुपैयाँमा कारोबार भइरहेको छ ।