सुन चाँदीको भाउ घट्यो

काठमाडौँ । नेपाली बजारमा बिहीबार सुन चाँदीको भाउ घटेको छ ।

नेपाल सुनचाँदी व्यवसायी महासंघ बुधबार प्रतितोला एक लाख २० हजार ८०० रुपैयाँमा कारोबार भएको छापावाला सुन आज तोलामा १ हजार ३०० रुपैयाँले घटेर प्रतितोला १ लाख १९ हजार ५०० कारोबार भइरहेको हो । त्यस्तै आज तेजावी सुन तोलामा १ लाख १८ हजार ९५० रुपैयाँमा कारोबार भइरहेको छ ।

यता चाँदीको मूल्य पनि आज घटेको छ । आज चाँदी तोलामा ३० रुपैयाँले घटेर १ हजार ४ सय २० रुपैयाँमा कारोबार भइरहेको महासंघले जनाएको छ ।