सुनको भाउ आज तोलामा १ हजार ३ सय रुपैयाँले घट्यो

काठमाडौँ । आज शुक्रबार सुनको भाउ तोलामा एक हजार तीन सय रुपैयाँले घटेको छ । आज भाउ घटेर तोलाको १ लाख २० हजार ७०० रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

हिजो बिहीवार एक हजार तीन सय रुपैयाँले बढेर सुनको भाउ अहिलेसम्मकै उच्च तोलाको १ लाख २२ हजार रुपैयाँ कायम भएको थियो । बुधवार पनि सुन आजकै भाउ तोलाको १ लाख २० हजार ७०० रुपैयाँमा कारोबार भएको थियो ।

आज चाँदीको भाउ पनि घटेको छ । ३५ रुपैयाँले घटेर चाँदी आज तोलाको १ हजार चार सय ५५ रुपैयाँ तोकिएको महासङ्घले जनाएको छ । अस्ति बुधवार तोलाको १ हजार ४७५ रुपैयाँमा कारोबार भएको चाँदीको भाउ हिजो १५ रुपैयाँले बढेर १ हजार ४ सय ९० रुपैयाँ तोकिएको थियो ।