काठमाडौँ। दोस्रो कारोबार भएको दिन पनि सोनापुर मिनरल्स एन्ड आयल लिमिटेडको सेयर मूल्य १० प्रतिशतले घटेको छ।
नेपाल स्टक एक्सचेन्ज (नेप्से)का अनुसार धितोपत्र दोस्रो बजारमा आइतबारदेखि कारोबारमा आएको सोनापुरको सेयर मूल्य पहिलो कारोबार दिनमा प्रतिकित्ता ३५ रुपैयाँले घटेको थियो। दोस्रो दिन पनि बजार खुलेको १० मिनेटमै १० प्रतिशत (३१ रुपैयाँ ५० पैसा)ले घटेको हो।
नेप्सेका अनुसार सोमबार प्रतिकित्ता ३०८ रुपैयाँ ७० पैसामा कारोबार खुलेको थियो। १० प्रतिशतले मूल्य घटेर प्रतिकित्ता २८३ रुपैयाँ ५० पैसा कायम भएको छ। १० प्रतिशतले मूल्य घटेर अहिले कारोबार बन्द भएको छ।
यो कम्पनीले सर्वसाधारण, आयोजना प्रभावित क्षेत्रका बासिन्दा र वैदेशिक रोजगारीमा गएका नेपालीलाई गरी कुल एक अर्ब २३ लाख २०० कित्ता सेयर निष्कासन गरेको थियो। उक्त सेयर नेप्सेमा कात्तिक २ गते सूचीकृत भएको हो।
सर्वसाधारणतर्फ ४० प्रतिशत र संस्थापक सेयरधनीको ६० प्रतिशत सेयर रहेको कम्पनीले जनाएको छ।
