काठमाडौँ। नायिका केकी अधिकारी करेन्ट नुडल्सको ब्राण्ड एम्बेस्डर बनेकी छिन्। बिहीबार काठमाडौँको हायत प्यालेसमा भएको एक कार्यक्रममा उनी ब्राण्ड एम्बेस्डर घोषणा भएकी हुन्।
यशोधा फुड्सको प्रबन्ध निर्देशक चुनप्रसाद पौडेल, निर्देशक नरेश्वर पौडेल, प्रमुख कार्यकारी अधिकृत जीवराज जैन लगायतको उपस्थितिमा फुड्सले नायिक अधिकारीलाई ब्राण्ड एम्बेस्डर घोषणा गरेको हो। नायिका अधिकारी सन २०१७ सालदेखि फुड्सका उत्पादनको प्रवर्द्धनमा काम गरिरहेकी थिइन्।
पिरो चाउचाउको रुपमा चर्चित भएको करेन्टले अहिले चिजबल, चिप्स, पोट्याटो स्टिक्स, लगायतको उत्पादन बजारमा ल्याएको छ।
प्रबन्ध निर्देशक पौडेले गत आर्थिक वर्षमा ५ अर्ब भन्दा बढी कारोबार गरेको बताएका छन्। उनले यसोधा फुड्स करेन्ट उत्पादनहरु अमेरिका, युरोप सहित विश्वका २० भन्दा धेरै मुलुकमा निर्यात भइरहको समेत बताए।
कपिलवस्तुको चनौटमा नयाँ उद्योग खोल्ने तयारी गरेको भन्दै पौडेलले नेपाली किसान मार्फत नै अकबरे खुर्सानीबाट पिरोको प्रयोग हुने दाबी गरेका छन्।
