काठमाडौँ। बर्जर जेन्सन एण्ड निकोल्सन नेपाल प्रालिले दशैं र तिहारलाई लक्षित गरेर ‘बर्जर हाम्रो घर हाम्रो सान’ अफर ल्याएको छ।
यो योजना आफ्नो घरको सौन्दर्यता अभिवृद्धि गर्न केन्द्रित रहेको बर्जरले जनाएको छ। यस योजनाअन्तर्गत एकजना भाग्यशाली विजेताले पाँच लाख रुपैयाँको बम्पर पुरस्कार प्राप्त गर्नुका साथै थप तीनजनाले एक लाख रुपैयाँ प्राप्त गर्नेछन्।
यस्तै, दशजना ग्राहकले १० हजार नगद पुरस्कार प्राप्त गर्नेछन्। यसबाहेक, यस अफरले घरधनीहरूलाई इन्टेरियर डिजाइनरबाट निःशुल्क परामर्श सेवाहरू प्राप्त गराई विज्ञको सल्लाहअनुसार आफ्नो घर श्रृंगार्ने अवसर प्रदान गर्नेछ।
साथै, डिजिटल प्रतियोगितामा भाग लिने १०० उत्कृष्ट घरधनीहरूले आफ्नो घरको सुन्दर तस्बिर सेयर गरेर जनही २५ हजारको नगद पुरस्कार प्राप्त गर्ने मौका पाउने कम्पनीले उल्लेख गरेको छ।
यो योजना बर्जर सिल्क ब्रीद इजी, सिल्क ग्ल्यामर, सिल्क लक्जरी, वेदरकोट लङ लाइफ, वेदरकोट अल गार्ड फ्लेक्सो र वेदरकोट अल गार्ड जस्ता सीमित बर्जर उत्पादनहरूमा मात्र लागु हुनेछ।
घरधनीहरूले यस योजनाको बारेमा विस्तृत जानकारीको लागि नजिकैको बर्जर डिलरहरूसँग सम्पर्क गर्न सक्नेछन्।
