काठमाडौँ। एनसेल आजियाटा लिमिटेडले ‘बिन्दास डेटा प्याक’ अफर ल्याएको छ। यो अफर अन्तर्गत ग्राहकले अब जुनसुकै समय, जुनसुकै ठाउँ र प्रयोजनका लागि पाँच घण्टाको अनलिमिटेड डेटाबाट फाइदा लिन सक्ने एनसेलले जनाएको छ।
ग्राहकहरूले सजिलैसँग करसहित ७५ रुपैयाँमा यो प्याक लिन सक्ने कम्पनीले जनाएको छ। कम्पनीका अनुसार ग्राहकहरूले कुनै डेटा भोल्युम सीमाविना ३ दिनसम्म कूल ५ घण्टाको लागि अनलिमिटेड डेटा सेवा पाउने छन्।
ग्राहकले एष्ट्रिक्स १७१२३ एष्ट्रिक्स३ह्यास डायल गरी यो प्याक लिन सक्छन्। त्यसैगरी एनसेल एप, एनसेलको वेबसाइट र नजिकैको एनसेलको आधिकारिक खुद्रा बिक्रेताबाट पनि यो प्याक लिन सकिन्छ।
सुलभ दरमा निश्चित अवधिका लागि डेटा सेवा आवश्यक रहेका ग्राहकहरुका लागि यो अफर उत्तम विकल्प हुने एनसेलले जनाएको छ।
कम्पनीले बिन्दास भ्वाइस प्याक पनि ल्याएको छ जसमा ग्राहकहरूले करसहित मात्र २५ रुपैयाँमा १२ घण्टा (बिहान ५ बजेदेखि बेलुका ५ बजेसम्म) कुनै पनि नेटवर्कमा कुराकानी गर्न मिल्ने टक टाइम लिन सक्नेछन्।
