सिड्नी । १९औं न्याभ कपको उपाधि ट्राइकन क्रिकेट क्लबले जितेको छ ।
आइतबार भएको फाइनल खेलमा ट्राइकनले एक्स्पर्ट सगरमाथा ब्लुजलाई ६ विकेटले हराउँदै ट्राइकनले उपाधि जितेको हो । एक्स्पर्टले दिएको १५४ रनको लक्ष्य ट्राइकनले ४ विकेट गुमाउँदै १८.५ ओभरमा भेट्टाएको हो ।
उपाधिको विजेता ट्राइकनले ट्रफी मेडलसहित नगद ५ हजार अष्ट्रेलियन डलर पाएको छ । उपविजेतामा एक्स्पर्ट सगरमाथा ब्लुजले १ हजार पाँच सय अष्ट्रेलियन डलरसहित ट्रफी र मेडल प्राप्त गरेको छ ।
न्याभ कपको प्लेयर अफ द सिरिजको रुपमा सागर खड्का घोषित भए भने फाइनल खेलमा ट्राइकनका खेलाडी सन्जोग दाहाल प्लेयर अफ द म्याच घोषित भएका छन् । यस्तै बेस्ट ब्याटिंग सागर खड्का, बेस्ट बलर शेखर अर्याल, बेस्ट फिल्डर रविन्द्र गुरुङ घोषित भएका छन् ।
जेसी डोनेथ रिजर्भमा सम्पन्न भएको फाइनल खेलमा नेपाली क्रिकेट संघ (क्यान)का अध्यक्ष चतुरबहादुर चन्द र नेपाली राष्ट्रिय खेलाडीहरू दिपेन्द्र सिंह ऐरी र कुशल मल्ल सहभागी भएका थिए । उनीहरुले खेलाडीहरू तथा बालबालिकाहरूसँग क्रिकेट क्याम्प पनि गरेका थिए ।
