एजेन्सी । अस्ट्रेलियाको ‘सबैभन्दा खतरनाक सिरियल किलर’ भनिने महिलालाई माफी दिइएको र रिहा गरिएको मिडिया रिपोर्टमा उल्लेख छ ।
उनलाई २५ वर्षको जेल सजाय सुनाइएको थियो ।
हाल सोही मुद्दामा ठोस प्रमाण नहुँदा उनी रिहा भएकी हुन् । यद्यपि उनी २० वर्ष जेल बसे सकेकी छन् ।
मिडिया रिपोर्टका अनुसार यो घटना सन् २००३ को हो ।
क्याथलिन फोल्बिग नामकी एक महिलालाई आफ्ना चार बालबालिकाको हत्या गरेको आरोपमा २५ वर्षको जेल सजाय सुनाइएको थियो ।
त्यसपछि यी महिलालाई अष्ट्रेलियाको ‘सबैभन्दा खतरनाक सिरियल किलर’ भनिएको थियो ।
सन् २००३ मा अदालतबाट २५ वर्षको सजाय पाएपछि अभियुक्त महिला विगत २० वर्षदेखि जेलमा थिइन् ।
तर, २०२२ को मे महिनामा सुरु भएको अनुसन्धानमा चकित पार्ने खुलासा भएको थियो ।
एक वर्षसम्म अनुसन्धान चल्यो, तर महिलाविरुद्ध हत्याको ठोस प्रमाण फेला परेन, जसले गर्दा उनलाई दोषी ठहर गर्न नसकेको मिडिया रिपोर्टमा उल्लेख छ ।
