सिड्नी । अष्ट्रेलियाको सिड्नीमा चौथो माघी महोत्सव हुने भएको छ । थारु समुदायको महान चाड माघीको अवसरमा महोत्सव हुने भएको हो ।
थारु समाज सिड्नी अष्ट्रेलियाको आयोजनामा जनवरी १५ तारिख विटलाम पार्कमा माघी महोत्सव हुन लागेको हो ।
माघी पर्व हर्ष उल्लासका साथ मनाउने तयारी भइरहेको सोसाइटीका पब्लिक अफिसर अरुण आर्यन चौधरीले जानकारी दिए । सोमबार दिउँसो २ बजेबाट सुरु हुने माघी महोत्सवमा थारु लाठी नाच, झुमरा नाच आदी नृत्यहरु प्रदर्शन गरिने पब्लिक अफिसर अरुण आर्यन चौधरीले केबीसीलाई बताए ।
थारु परिकारहरू ढिकरी, खिचरी, बंगुरको मासु, तिलको लड्डुको स्वाद पनि लिन सकिने उनको भनाइ छ। थारु रिति रिबज अनुसारका नाच गान र खान पिनसहित हुने सो कार्यक्रममा उपस्थितिको लागि थारु सोसाईटी सिडनी अष्ट्रेलियाले सम्पूर्ण थारु समुदायलगायत नेपालीवासीलाई आग्रह गरेको छ ।
