सिड्नी । न्युजिल्याण्डका प्रधानमन्त्री क्रिस्टोफर लक्सनले अस्ट्रेलिया भ्रमण गर्ने भएका छन् । प्रधानमन्त्री एन्थोनी अल्बानिजसँग भेट्नको लागि लक्सन बुधबार सिड्नी आउने भएका हुन् ।
गठबन्धन सरकारले सम्बन्धमा लगानी गर्न, समृद्धि बढाउन र हाम्रो सुरक्षा प्रवर्द्धन गर्नका लागि नयाँ तत्परता र तीव्रताका साथ अन्तर्राष्ट्रियस्तरमा काम गर्नेछ, भ्रमणको बारेमा उनले भने ।
उनका अनुसार अस्ट्रेलिया न्युजिल्यान्डको सबैभन्दा महत्त्वपूर्ण साझेदार मुलुक हो । दुई मुलुक गहिरोसँग जोडिएको र जनता–जनताबीचको सम्बन्ध बलियो भएको उनले बताए ।
‘हाम्रा दुवै अर्थतन्त्र एकापसमा गहिरोसँग जोडिएका छन् र हामीले तस्मानका दुवै किनारमा व्यापारिक वातावरण सुधार गर्न अधिक ध्यान दिनुपर्ने आवश्यकता छ,’ उनले भने ।
सिड्नीमा उनले केही प्रमुख लगानीकर्ताहरूसँग भेट गर्ने कार्यक्रम समेत तय भएको छ ।
