सिड्नी। सांगीतक कार्यक्रमको लागि अष्ट्रेलिया आइपुगेका चर्चित गायक सुगम पोखेलले एक कार्यक्रममा दर्शकलाई माइकले झट्टी हानेका छन्। एडिलेटमा भएको कार्यक्रममा गायक पोखरेल रक्सीले मातेर दर्शकलाई माइकले झट्टी हानेका हुन्।
सार्वजनिक भए भिडियोमा रक्सीले मातेका पोखरेलको बोली नै लरबरिएको छ। स्टेजमा रहेका पोखरेलले उनले आफ्नो चर्चित गीत ‘झिल्के’ गाउँ न त त भनेका छन्। उनको आग्रहपछि दर्शकहरुले ‘झिल्के‘ झिल्के’ भनेका छन्। सोही बखतमा उनले नेपालमा भूकम्प गएर मानिसहरु मरेको भन्दै दर्शकलाई शान्त हुन भन्छन् र मौनधारणको लागि आग्रह गर्छन्। दर्शकहरुले मौनधारणको समयमा नि हल्ला गरेपछि उनले ‘बइनी कमला, बिमला त पोइला गइन् दोकान सम्हाल’ भन्ने गीत गाउँछन्। तर, दर्शकहरुले हल्ला नै गरेपछि उनी थप उत्तेजित हुन्छन्।
त्यसपछि उनले भनेका छन्, ‘ए भाइ, तिमीलाई मा’ कसम झट्टी हान्छु‘ यो भाइलाई बोला त ओइ‘ यो तालुवाला भाइलाई’ यति भनेपछि उनी स्टेजबाट तल झरेर दर्शकमाथि जाइलाग्छन्। स्वयंसेवकले रोक्दा–रोक्दै उनले ती दर्शकलाई माइकले झट्टी हान्छन् र गालीगलौज गर्छन्।
उनलाई बल्लतल्ल त्यहाँबाट निकालेर फेरि स्टेजमा लगिन्छ। फेरि पनि सुगमले अर्को माइल दर्शकतिर हुर्याउँछन्। त्यसपछि भने उनलाई स्टेजबाट निकालिएको छ।
सो घटनापछि गायक पोखरेलको चौतर्फी आलोचना भएको छ।
