सिड्नी । हालै अष्ट्रेलियाको समुन्द्र तटमा एउटा अनौठो कुरा भेटिएको छ । धातुबाट बनेको यो रहस्यमय वस्तुलाई लिएर यो चन्द्रयानको भग्नावशेष हुन सक्ने अनुमान पनि गरिएको थियो । तर, अष्ट्रेलियाको अन्तरिक्ष एजेन्सीले यसबारेमा ठूलो खुलासा गरेको छ । अन्तरिक्ष एजेन्सीले चन्द्रयानको भग्नावशेषको अस्तित्वलाई अस्वीकार गरेको छ ।
अष्ट्रेलियाको अन्तरिक्ष एजेन्सीले यो चन्द्रयान ३ सँग सम्बन्धित नभएर भारतीय अन्तरिक्ष एजेन्सी इसरोद्वारा प्रक्षेपण गरेको ध्रुवीय उपग्रह प्रक्षेपण वाहन (पीएसएलभी) को भग्नावशेष भएको बताएको छ ।
एजेन्सीका अनुसार पीएसएलभी एक मध्यम–लिफ्ट प्रक्षेपण वाहन हो जुन आइएसआरोद्वारा संचालित छ।
अष्ट्रेलियाको एजेन्सीले भग्नावशेषलाई भण्डारण गरिएको र इसरोसँगको सहकार्यमा काम भइरहेको जनाएको छ ।
यसको उद्देश्य संयुक्त राष्ट्रको अन्तरिक्ष सन्धि अन्तर्गतको दायित्वलाई विचार गर्नुका साथै अर्को चरणहरूमा निर्णय गर्नु हो।
