एजेन्सी । युवावस्था कसलाई मन पर्दैन र ? कोही पनि आफूलाई बूढो भएको हेर्न चाहँदैनन्। तर संसारमा अहिलेसम्म त्यस्तो कुनै उपाय छैन जसद्वारा मानिस सधैं जवान रहन सक्छ। सबै एकदिन बुढो हुनै पर्छ।
यो सबै थाहा हुँदाहुँदै पनि धेरैजसोको मनमा सधैं जवान रहने चाहना रहिरहन्छ। के गर्ने ? जीवनभर जवान रहने चाहना मानिसको सबैभन्दा ठूलो इच्छा हो, यसबारे वैज्ञानिकहरु अनुसन्धान गरिरहेका छन् ।
अब अमेरिकाका ४६ वर्षीय अधबैंसे व्यक्तिले पनि जवान रहने अनौठो महत्वाकांक्षालाई पोषित गरेका छन् ।
उनी सधैं जवान रहन लाखौं डलर खर्च गर्दैछन्। ती व्यक्तिलाई जवान राख्न ३० चिकित्सकको टोली खटिएको छ । तर प्रश्न यो छ कि एक पटक गएको आफ्नो जवानी फर्काउन सकिन्छ ? पहिले यी ब्यक्ति को हुन् र उनको चाहना के हो जानौँ ?
यी ४६ वर्षीय अमेरिकी व्यक्तिको नाम ब्रायन जोन्सन हो । उनी १८ वर्षको युवा बन्न चाहन्छ । यसका लागि ब्रायनले लाखौं डलर खर्च गरिरहेका छन् ।
अमेरिकाका ३० जना डाक्टरहरूले ब्रायनको स्वास्थ्यको सधैं निगरानी गरिरहेका छन्।
उनले ब्रायनलाई ४६ वर्षको मध्यम उमेरकाबाट १८ वर्षको युवामा परिवर्तन गर्ने अद्भुत प्रयोग सुरु गरेका छन् । तर के यो प्रयोग सफल होला त ? यदि यो भयो भने यो संसारको लागि सबैभन्दा ठूलो क्रान्ति हुनेछ।
आफ्नो युवावस्था पुनः प्राप्त गर्ने इच्छामा ब्रायनले आफ्नो पुरानो कम्पनीसँग ८० करोड डलर अर्थात ६६ अर्ब ५७ लाख रुपैयाँभन्दा बढीको सम्झौता पनि गरेका थिए । कम्पनी बेचिसकेपछि उनले अहिलेसम्म करिब ४० लाख डलर आफ्नो खर्च गरिसकेका छन् । सबै महँगो उपकरणको सहयोगमा उनले चिकित्सकको सल्लाहमा दैनिक १११ प्रकारका चक्की खाइरहेका छन् ।
