एजेन्सी । रेलमार्गको विस्तार भएपछि देशको विकासमा पनि उत्तिकै टेवा पुर्याएको छ । विश्वका धेरै देशहरुले यातायातको क्षेत्रमा रेलको विस्तार गरेर विकासको मामिलामा जोड दिने काम गरे । तर, केही रेल मार्गहरु यति खतरनाक ठाउँमा निर्माण गरिएका छन् जसले एक जोखिमपुर्ण यात्राको आभास दिलाउँछन् । आउनुहोस् हेरौ विश्वका ९ डरलाग्दा रेलमार्गहरु
१. जर्ज टाउन लुप रेलमार्ग कोलोराडो
यसको निर्माण १९ औं शताब्दीको अन्त्यमा खानी उद्योगको लागि गरिएको थियो तर आजकाल यसको प्रयोग ग्रिष्म ऋतुमा पर्यटनको लागि गरिन्छ । चट्टानी पहाडमा रहेको यो रेलमार्गले पर्यटकहरुलाई यो क्षेत्रकै उच्च पहाडहरुमा र रोमान्चक क्षेत्रहरुमा पुर्याउछ ।
२. ट्रेन अ लास नुबिस अर्जेन्टिना
‘ट्रेन टु क्लाउड’ पनि भनिने ‘अर्जेन्टिनाको ट्रेन अ लास नुबिस’ को निर्माण आर्थिक विकासको लागि गरिएको थियो । तर आजकाल यो पनि पर्यटनको लागि उपयोग गरिन्छ । यो संसारकै एक उच्च रेलवे सिस्टम मानिन्छ । टोबाको खेती हुदैं अगाडि बढ्ने यो रेलमार्ग होचो गाइवस्तु पालिने ठाँउसम्म जान्छ ।
३. आउटेनिक्वा चुजो टे«न, दक्षिण अफ्रिका
दक्षिण अफ्रिकाको यो रेलमार्ग सन् २००६ मा आएको ठूलो बाढीले संरचनाहरु बिगारेपछि सञ्चालन बन्द भएको छ । तर, जतिबेला यो रेलमार्ग सञ्चालनमा थियो । त्यतिखेर यात्रुहरु रेल चढ्नु अघि डरले लामो सास फेर्ने गर्थे ।
४. द डेथ रेल्वे, थाइल्यान्ड
यो रेलमार्गलाई डेथ रेल्वे भनिनुको कारण यसको निर्माणको क्रममा ९० हजार श्रमिकहरु र १५ हजार युद्धबन्दिहरुको मृत्यु भएको थियो । यसको इतिहासले यो रेल्वेमा यात्रा गर्नेहरुको मुटु नै चिसो बनाँउछ ।
५. ब्याम्बु टे«न कम्बोडिया
‘नोरी’ भनेर चिनिने एक ट्रयाकको ब्याम्बु ट्रेन कम्बोडियामा यात्राको लागि प्रभावकारी माध्यम बनेको थियो । यदी अर्को ब्याम्बु टे«न आएमा त्यसलाई रोकेर अर्को ट्रेनलाई पास हुन दिनु पथ्र्यो । सन् २०१४ सम्म ब्याम्बु टे«नको अवशेषहरु भेटिएका थिए ।
६. ह्वाइट पास एण्ड युकोन रुट, अलास्का
यो रेलवे सिस्टमको आफ्नै एक अनौठो इतिहास छ । सन् १८९८ क्लोन्डिक गोल्ड रसको समयमा निर्माण भएको यो रेल्वे बनाउन त्यतिखेर असम्भव मानिएको थियो । यो रेलमार्गले जम्मा २० माइलको दुरीमा ३ हजार फिटको उचाईमा उक्लन्छ । यो असाधारण संरचना भएको रेलमार्गमा साहसी मानिसहरुले मात्रै यात्रा गर्ने आँट गर्न सक्छन ।
७. चेनब रिभर रेल्वे ब्रिज, भारत
निर्माण कार्य चलिरहेको चेनब रेल्वे पुल निर्माण पछि भारतको मात्रै होइन विश्वकै अग्लो रेल्वे पुलको रुपमा चिनिनेछ ।
८. कुरान्डा सिनिक रेल्वे, अष्ट्रेलिया
यो निकै नै सुन्दर दृश्यले भरिपूर्ण रेल्वे अष्टे«लियन ट्रपिकल जगंलहरु, राष्ट्रिय निकुञ्ज हुदैं अघि बढ्छ । यसको निर्माण कार्य सन् १८९१ मा भएको हो र यो अहिले कायन्र्स बाट कुरान्डा सम्म पुग्छ ।
९. दार्जलिङ हिमालय रेल्वे
भारतको पश्चिम बंगालको न्यू जलपाइगुडीबाट दार्जलिङसम्म ७४ किलोमिटर लामो यो रेलमार्ग ब्रिटिस राजको बेलामा बनेको हो । यो रेलमार्गबाट नियाल्न सकिने सुन्दर दृश्यले सबैको मन लोभ्याउछ । यो रेलमार्गमा चल्ने रेल धेरै नै ढिलो छ । क्यारिएजहरुमा पनि धेरै भिड हुन्छ ।
