ट्रेड एनालिस्ट भन्छन् – शाहरुखको जवानले १०० करोडको ओपनिङ गर्न सक्छ

एजेन्सी । शाहरुख खानको आगामी फिल्म ‘जवान’लाई लिएर दर्शकहरुमा लामो प्रतिक्षा रहेको छ । फिल्मको क्रेज निकै चलिरहेको छ ।

यसबीच उत्तर र दक्षिणका विज्ञहरुले फिल्मलाई लिएर आफ्नो धारणा सार्वजनिक गरेका छन् । फिल्मले हिन्दी क्षेत्रमा पहिलो दिन ६० करोड र दक्षिण क्षेत्रबाट ३५ देखि ४० करोडको ओपनिङ गर्न सक्ने उनीहरुको भनाइ छ । यसरी फिल्मले पहिलो दिनमै सय करोड कमाउने आंकलन गरिएको छ ।

यसको मुख्य कारण शाहरुख खानको स्टारडम हो । यसका साथै फिल्ममा साउथका चर्चित स्टारहरुले काम गरेको कारण पनि रहेको छ । साउथमा जवानसँग कुनै ठूलो फिल्मको टकराव छैन ।

प्रभासको सालार २८ सेप्टेम्बरमा आउँदैछ । त्यतिन्जेल बक्स अफिसको फिल्ड पूरै खाली छ । यस वर्ष दक्षिण क्षेत्रमा सबैभन्दा बढी हाईप जवानको रहेको व्यापारी पण्डितहरुको विश्वास छ ।