भारत ‘ए’ लाई नेपालले दियो १६८ रनको लक्ष्य

काठमाडौँ। श्रीलंकामा जारी एसीसी इमर्जिङ टिम्स एसिया कपअन्तर्गत आफ्नो दोस्रो खेलमा नेपालले भारत ‘ए’लाई १६८ रनको लक्ष्य दिएको छ।

टस जितेर ब्याटिङ रोजेको नेपाली टोली ३९.२ ओभरमा १६७ रन बनाएर अलआउट भएको हो।

नेपालको लागि कप्तान रोहित पौडेलले अर्धशतक प्रहार गरे। उनले ८५ बलको सामना गर्दा ६५ रन जोडे।

त्यस्तै, गुल्सन झाले ३८ रन, सोमपाल कामीले १४ रन जोडे।

भारतका लागि निशान्त सिन्धुले सर्वाधिक ४ विकेट, राजवर्धन हंगारकरले ३ विकेट र हर्सित रानाले २ विकेट हात पारे। मानव सुथारले १ विकेट लिए।