काठमाडौँ। एसीसी इमर्जिङ टिम्स एसिया कपमा नेपालले पाकिस्तान ‘ए’लाई १८० रनको लक्ष्य दिएको छ।
श्रीलङ्काको कोलम्बो क्रिकेट क्लब मैदानमा टस जितेर ब्याटिङ गरेको नेपाल ३७ ओभरमा १ सय ७९ रन बनाउँदा अलआउट भयो। नेपालका लागि सोमपाल कामीले अर्धशतक बनाए। उनी १ सय १ बलमा ७५ रन बनाएर आउट भए।
यस्तै नेपालका कुशल भुर्तेल १, आसिफ शेख १२, अर्जुन साउद १७, कप्तान रोहित पौडेल ४ तथा भीम सार्की शून्य, पवन सर्राफ १, कुशल मल्ल १७, गुसलन झा १३ र प्रतिस जिसी २६ रनमा आउट भए। ललित राजवंशी १ रनमा अटआउट रहे।
पाकिस्तानका शहनवाज दहानीले ५, मोहम्मद वसीम जेआरले ४ र मुबसिर खानले १ विकेट लिएका छन्।
