सभामुखले बोलाए कार्यव्यवस्था परामर्श समितिको बैठक

काठमाडौं । सभामुख देवराज घिमिरेले कार्यव्यवस्था परामर्श समितिको बैठक बोलाएका छन् । संसद्‌मा देखिएको अवरोधको विषयमा छलफल गर्न सभामुखले बैठक डाकेका हुन् ।

बैठक आज दिउँसो साढे १ बजे संसद् भवन वानेश्वरमा बस्ने छ । प्रमुख प्रतिपक्षी दल नेकपा (एमाले)ले प्रधानमन्त्री पुष्पकमल दाहाल ‘प्रचण्ड’को अभिव्यक्तिलाई लिएर प्रतिनिधिसभा बैठक सञ्चालनमा अवरोध गरिरहेको छ ।

बैठकमा विषयगत समिति सभापति चयन, संसद् बैठक केही दिन स्थगन गर्ने/नगर्ने लगायत विषयमा छलफल हुने बताइएको छ । प्रतिनिधिसभा बैठक आजै दिउँसो ३ बजे बस्दै छ ।