काठमाडौँ। नेपालले एसीसी यू– १६ इस्ट जोन कपको उपाधि जितको छ। फाइनल खेलमा मेलेसियाविरुद्ध २२१ रनको जित निकाल्दै नेपालले उपाधि जितेको हो। मलेसिया १४.५ ओभरमा अल आउट हुँदै जम्मा ३१ रनमा समेटियो।
सुरुमा ब्याटिङ गरेको नेपालले मलेसियालाई २५३ रनको लक्ष्य दिएको थियो। सुरुमा ब्याटिङ गरेको नेपालले निर्धारित ३५ ओभरमा ८ विकेट गुमाएर २५२ रन जोडेर उपाधिको लागि २५३ रनको लक्ष्य दिएको थियो।
नेपालको लागि नरेन भट्टले अविजित ११२ रन बनाए। तेस्रो नम्बरमा ब्याटिङमा आएका नरेनले पाँचौँ विकेटका लागि सन्तोष यादवसँग १०४ रनको साझेदारी गरेका थिए। उनले ८९ बलमा २ छक्का र १० चौका प्रहार गरे। नेपालले पहिलो विकेटका लागि ४२ रनको साझेदारी गर्दै मध्यम सुरुवात गरेको थियो।
निरज कुमार यादवले ४७ रन बनाए। लिग चरणमा यी दुई टोली भिडेकामा मलेसिया ९९ रनमा समेटिएको थियो।
मलेसियाका लागि मुहम्मद अक्रमले १२ बलमा १ छक्काको सहयोगमा १० रन बनाउँनु बाहेक अन्य ब्याटरले दोहोरो अंकमा समेत रन बनाउन सकेनन्।
नेपालका लागि कप्तान अभिषेक तिवारीले ६ ओभरमा ७ रन खर्चिएर ५ विकेट लिए। सन्तोष यादवले ३ तथा अशोक धामी र सन्तोष गैरेले समान १–१ विकेट लिए।
यसअघि २२१ रन हुनुपर्नेमा सच्याइएकाे छ -सम्पादक
