विश्वकप क्वालिफायरको प्लेअफमा युएईको सामना गर्दै नेपाल

काठमाडौँ । नेपालले आइसिसी विश्वकप छनोट अन्तर्गत प्लेअफ खेलमा आज युएईसँग खेल्दैछ । खेल नेपाली समय अनुसार दिउँसो १२ः४५ मा हरारेमा रहेको ताकाशिंगा स्पोर्ट्स क्लबमा सुरु हुनेछ ।

नेपाल र युएईबीच एकदिवसीय अन्तर्राष्ट्रियमा हालसम्म १४ पटक प्रतिस्पर्धा भएको छ । नेपालले ८ पटक खेल जित्दा युएईले ६ पटक खेल जितेको छ ।

यस खेलको विजेताले सातौँ स्थानको लागि आयरल्याण्डसँग खेल्ने छ । शुक्रबार भएको प्लेअफको पहिलो सेमिफाइनलमा आयरल्याण्डले अमेरिकालाई पराजित गरेको थियो ।

प्लेअफको फाइनल जित्ने देश सातौँ स्थानमा हुने छ भने पराजित हुने टिम आठौँ स्थानमा रहने छ । सेमिफाइनलमा पराजित दुई देशले नवौँ र दशौँ स्थानका लागि खेल्ने छन् ।