टस जितेको नेपालले वेस्ट इन्डिजविरुद्ध फिल्डिङ रोज्यो

नेपालीपत्र बिहीबार, २०८० असार ७ गते, १२:४८ मा प्रकाशित खेल

काठमाडौँ। नेपालले जिम्बावेमा जारी आइसिसी एकदिवसीय विश्वकप छनोटमा विश्वकप विजेता वेस्ट इन्डिजविरुद्ध टस जितेर फिल्डिङ रोजेको छ। हरारे स्पोर्ट्स क्लबमा भर्खर सम्पन्न टस नेपालल् जितेर वेस्टईण्डिजलाई पहिला ब्याटिङको निम्तो दिएका छन्।

नेपालले वेस्ट इन्डिजसँग पहिलो पटक खेल्न लागेको हो। नेपाल पहिलो खेलमा जिम्बावेसँग ८ विकेटले पराजित भएको थियो। अमेरिकालाई नेपालले ६ विकेटले हराएको थियो। वेस्ट इन्डिजले पहिलो खेलमा अमेरिकालाई ३९ रनले हराएको थियो। नेपालले आफ्नो क्रिकेट इतिहासमा सबैभन्दा माथिल्लो स्तरको टोलीसँग खेल्न थालेको हो।

नेपाल ओडिआई वरियतामा १४ औं र वेस्ट इन्डिज १० औं स्थानमा छ। वेस्ट इन्डिज सन् १९७५ र १९७९ विश्वकपको च्याम्पियन टोली हो। त्यस्तै वेस्ट इन्डिजले २०१२ र २०१६ मा टि २० विश्वकप उपाधि जितेको थियो।

नेपालले टोलीमा कुनैपनि परिवर्तन गरेको छैन। नेपालले अमेरिकासँगको प्लेइङ ११ लाई नै निरन्तरता दिएको कप्तान रोहित पौडेलले टसका क्रममा जानकारी दिएका छन्।

#नेपाल #वेस्ट इन्डिज

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।