एजेन्सी । टाइटानिकको भग्नावशेष हेर्न यात्रुहरु सवार पनडुब्बी एट्लान्टिक महासागरमा बेपत्ता भएको छ ।
बोस्टन कोस्टगार्डले न्यूफाउन्डल्याण्डको तटमा खोजी र उद्धार कार्य जारी रहेको मिडिया रिपोर्टमा उल्लेख छ ।
स्काई न्यूजका अनुसार बेलायती अर्बपति हामिश हार्डिङ, फ्रान्सेली पनडुब्बी पाइलट पल–हेनरी नार्गोलेट र ओसेन्गेट एक्सपिडिसनका प्रमुख कार्यकारी र संस्थापक स्टकटन रश सबै बेपत्ता भएका छन्।
जहाजमा जम्मा कति जना सवार थिए भन्ने खुलाइएको छैन तर पनडुब्बीको क्षमता पाँच जना रहेको बताइएको छ ।
टाइटानिकको भग्नावशेष सन् १९८५ मा समुन्द्रमा फेला परेको थियो ।
त्यसपछि यस विषयमा अनुसन्धान भएको थियो । साना पनडुब्बीहरूले कहिलेकाहीं पर्यटकहरूलाई समुद्रको सतहबाट ३८०० मिटर तल रहेको टाइटानिकको भग्नावशेष हेर्न लैजान्छन्।
