काठमाडौं । नेपाली बजारमा सामसङ मोबाइलको ग्यालेक्सी एस २५ सिरिजको प्रि–बुकिङ शुरु भएको छ ।
बिहीवार आयोजित एक कार्यक्रममा पूर्व मिस नेपाल अश्मी श्रेष्ठ र सामसङ नेपालका निर्देशक प्रणय रत्न स्थापितले यो नयाँ सिरिज सार्वजनिक गरेका हुन् । ग्यालेक्सी एस २५ सिरिजले नेपाली प्रयोगकर्ताको अनुभवमा नयाँ परिवर्तन ल्याउने दाबी निर्देशक स्थापितको छ ।
नेपालमा ग्यालेक्सी एस २५ सिरिजको प्रि–बुकिङ बिहीबार देखि १३ फेब्रुअरी २०२५ सम्म खुला रहनेछ । प्रि–अर्डर गर्ने ग्राहकहरूले फ्री मेमोरी अपग्रेड ५१२ जी.बी. सम्म पाउनेछन् । साथै, ३१ हजार ९ सय ९९ को ग्यालेक्सी बड्स थ्री प्रो १४ हजार ९ सय ९९ रुपैयाँमा पाउनेछन् ।
यस्तै, ३ हजार ३ सय ९९ रुपैयाँ पर्ने सिलिकन कभर १५ सय रुपैयाँमै किन्न सकिनेछ । नेपालमा ग्यालेक्सी एस २५ अल्ट्रा ५१२ जी.बी.को मूल्य ५ लाख ९९ हजार ९९९ रुपैयाँ, ग्यालेक्सी एस २५ प्लस २५६ जी.बी.को मूल्य १ लाख ४१ हजार ९ सय ९९ रुपैयाँ तोकिएको छ ।
