रवि लामिछानेलाई थप ५ दिन हिरासतमा राख्न अनुमति

काठमाडौं । सहकारी ठगी तथा संगठित अपराधको कसुरमा पक्राउ परेका रास्वपाका सभापति रवि लामिछानेलाई थप ५ दिन हिरासतमा राख्न कास्की जिल्ला अदालतले अनुमति दिएको छ ।

प्रहरीले अझै ९ दिन हिरासतमा राखेर अनुसन्धान गर्न अनुमति माग गर्दै आज अदालत उपस्थित गराएको थियो । न्यायाधीश चन्द्रकान्त पौडेलको इजलासले उनलाई ५ दिन हिरासतमा राख्न आदेश दिएको हो ।

सहकारी ठगी प्रकरणमा लामिछानेमाथि कास्की प्रहरीले अनुसन्धान गरिरहेको छ । उनीमाथिको अनुसन्धान अन्तिम चरणमा पुगेको प्रहरीको भनाइ छ ।