सिरियाको हामा शहर पनि विद्रोहीको कब्जामा

एजेन्सी । सिरियाली दोस्रो ठूलो शहर हामा पनि बिद्रोहीले नियन्त्रणमा लिएका छन् ।

अघिल्लो साता मात्रै एलेप्पो शहर कब्जामा लिएको विद्रोही समुहले बिहीबार हामा शहर माथि पूर्ण नियन्त्रण जमाएको दाबी गरेको हो । इस्लामीक लडाकु समूह ‘हयात तहरीर अल–शाम’ एच.टी.एस. का नेता अबु मोहम्मद अल जवलानीले हामा शहरमा विजय घोषणा गरेका हुन् ।

अन्तर्राष्ट्रिय सञ्चार माध्यमका अनुसार यस अघि एच.टी.एस. तथा अन्य सहयोगी लडाकुहरुले हामा केन्द्रीय कारागार कब्जा गर्दै कैदीहरूलाई रिहा गरेका थिए । राष्ट्रपति बशर अल असदको सेनालाई राजधानी दमास्कस केन्द्रित गर्दै विद्रोही समुहले एकपछि अर्को शहर कब्जा गरिरहेका छन् ।

१० लाख मानिस बसोबास गर्ने हामा शहर एलेप्पो बाट १ सय १० किलोमिटर दक्षिणमा पर्दछ । हामा पछि अब विद्रोही समुह दमास्कसको बाटोमा पर्ने अर्को शहर होम्स तर्फ अघि बढेको समाचारमा उल्लेख छ ।