काठमाडौँको भृकुटीमण्डपमा अतिरूद्र विश्वकल्याण विराट महायज्ञ शुरु

नेपालीपत्र बुधबार, २०८१ कात्तिक २१ गते, १२:३९ मा प्रकाशित जीवनशैली | नेपाल

काठमाडौँ । नेपाल महर्षि वैदिक फाउण्डेशनले वैज्ञानिक सन्तमहर्षि महेशयोगी नेपाल आगमनको स्वर्ण महोत्सव पारेर आज बाट काठमाडौँको भृकुटीमण्डपमा अतिरूद्र विश्वकल्याण विराट महायज्ञ थालेको छ ।

आज देखि २४ गते सम्म आयोजना हुने महायज्ञ सहित वैदिक विज्ञान र आधुनिक विज्ञान दोस्रो महासम्मेलन हुनेछ । आज स्वर्ण महोत्सवको उदघाटन साथै सांस्कृतिक झाँकी सहित शोभा यात्रा निकालिएको छ ।

बिहीबार वैदिक विज्ञान तथा आधुनिक विज्ञान दोस्रो महासम्मेलन, योग एवम ध्यान, हरेक साँझ भागवत कथासार सहित सन्त महात्माहरु बाट वैदिक प्रवचन साथै महर्षि महेश योगीबाट ध्यानीहरुलाई सम्मान कार्यक्रम राखिएको छ ।

महायज्ञमा १ लाख ११ हजार १ सय ११ प्रदान गरी यस महायज्ञमा एक महारुद्र बराबरको सङ्कल्प गर्न सकिने र कर्ताहरूलाई संस्थाको मानार्थ आजीवन सदस्यता समेत प्रदान गरिने फाउण्डेशनले जनाएको छ ।

#महायज्ञ

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।