बाढी–पहिरो–डुबानबाट २१७ को मृत्यु, २८ बेपत्ता

नेपालीपत्र मंगलबार, २०८१ असोज १५ गते, ११:०७ मा प्रकाशित नेपाल

काठमाडौँ । अविरल वर्षाका कारण भएको बाढी, पहिरो र डुबानका कारण हालसम्म दुई सय १७ जनाको मृत्यु भएको छ ।

यस प्राकृतिक विपद्मा परेर २८ जना बेपत्ता भएका छन् भने १४३ जना घाइते भएको गृह मन्त्रालयका प्रवक्ता ऋषिराम तिवारीले जानकारी दिए ।

हाल खोज, उद्धार र राहतलाई उच्च प्राथमिकतामा राख्दै सबै सुरक्षा निकाय परिचालित भइरहेको प्रवक्ता तिवारीले जानकारी दिए ।

यस्तै बाढी–पहिरो–डुबान प्रभावितलाई खाद्यान्नलगायतका आवश्यक राहत सामग्री उपलब्ध गराइएको र घाइतेको निःशुल्क उपचार भइरहेको पनि मन्त्रालयले जनाएको छ ।

यस्तै यातायात सञ्चालनका लागि अवरुद्ध बनेका राजमार्गहरु खोल्ने प्रयास भइरहेको पनि जनाइएको छ ।

#पहिरो #बाढी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।