काठमाडौँ । नेपाल शैक्षिक परामर्श संघ (इक्यान)ले १५ औं शैक्षिक मेला आयोजना गर्ने भएको छ ।
इक्यानले सोमबार पत्रकार सम्मेलन गरी १५ औं शैक्षिक मेला यही असोज १३ गते काठमाडौंस्थित एभरेष्ट होटलमा गर्न लागेको जानकारी गराएको हो ।
शैक्षिक मेलामा बिहान १० बजेदेखि बेलुका ५ बजेसम्म सञ्चालन हुने छ ।
मेलाबाट विद्यार्थी, अभिभावक र सरोकारवालाले अन्तर्राष्ट्रिय शिक्षा सम्बन्धि जानकारी र परामर्श पाउनसक्ने आयोजकले जनाएको छ ।
त्यस्तै, मेलामा करिब १५ हजारभन्दा बढी विद्यार्थी र अभिभावक अवलोकन गर्न सक्ने आयोजकले अपेक्षा लिएको छ । यस मेलामा इक्यानका सदस्य संस्थाका शैक्षिक परामर्श व्यवसायीहरु, स्वदेशी तथा विदेशी शैक्षिक संस्थाहरु सहभागिता हुने छ ।
मेलामा भारत, चीन, बंगलादेश, श्रीलंका, जापान, फ्रान्स, अमेरीका, बेलायत, न्युजील्याण्डल, अष्टेलिया, नर्वे, फिनलैण्ड, मलेसिया, जर्मन, डेनमार्क लगायतका देशका कलेज तथा विश्वविद्यालयका प्रतिनिधिहरुको सहभागिता हुनेछ ।
वन अप प्रालिको व्यवस्थापनमा यो मेला हुँदैछ । यस मेलाको टाइटल स्पोन्सरमा रियल डिम्स एजेकेसन कन्सल्टेन्सी रहेको छ ।
