धरानमा १ हजार ४ सय २० किलो गाँजा बरामद, दुई जना पक्राउ

काठमाडौँ । प्रहरीले सुनसरीको धरानबाट एक हजार ४२० किलो गाँजा बरामद गरेको छ । धनकुटाबाट धरानका लागि छुटेको ट्रकमा एक हजार ४२० किलो गाँजा फेला पारेको हो ।

बिहान करिब ९ बजे मुला लोड भएको को १ ख ४७३३ ट्रकमा ४४ बोरा गाँजा फेला परेको प्रहरीले जनाएको छ ।

गाँजासहित प्रहरीले मोरङको सुन्दर हरैचा नगरपलिका– ७ गछियाका ३४ वर्षीय राजकुमार दाहाल र धनकुटाको शहीदभूमी गाउँपालिका–७ का ४१ वर्षीय भुपेन्द्र राईलाई नियन्त्रणमा लिएको जिल्ला प्रहरी कार्यालय सुनसरीले जानकारी दिएको छ ।

प्रहरीका अनुसार बरामद भएको गाँजा भारत पठाउनका लागि ल्याइएको हो । गाँजा भारत पुर्‍याएपछि प्रतिकेजी २० हजार रुपैयाँभन्दा माथि पर्छ ।