ट्रकको ठक्करबाट स्कुटर चालकको मृत्यु भएपछि गठ्ठाघर तनावग्रस्त

काठमाडौँ । भक्तपुरको गठ्ठाघरमा ट्रकको ठक्करबाट स्कुटर चालकको मृत्यु भएको छ ।

ना. ६ ख २१७३ नम्बरको ट्रकले स्कुटरलाई ठक्कर दिएको भक्तपुर प्रहरीले जनाएको छ । मृतक महिलाको सनाखत हुन सकेको छैन ।

दुर्घटनापछि स्थानीयले सडक अवरुद्ध गरेका छन् । अहिले गठ्ठाघरको अवस्था तनावग्रस्त छ ।

सुरक्षाकर्मी बाक्लोरूपमा परिचालन गरिएको छ ।