अनु राईको ‘तिम्रो जस्तै’ गीत सार्वजनिक

सुर्खेत । प्रविधिको विकास सँगै फराकिलो बन्दै गएको नेपाली सांगीतिक क्षेत्रमा हरेक दिन विभिन्न विधाका गितहरु बजारमा आउने क्रम बढिरहेको छ ।

आफूले निकै माया गरेको मान्छे एक्कासि अरुको साथमा रमाउँदै गर्दा एउटा सम्बन्ध मात्रै होइन त्यहा धेरै कुराहरू छुट्छन् भन्ने भावलाई निकै मार्मिक तरिकाले प्रस्तुत गरिएको अर्को आधुनिक गीत ‘तिम्रो जस्तै’ निशान किरात अफिसियल नामको युट्यूब च्यानलमार्फत सार्वजनिक भएको छ ।

सुमधुर स्वरकी धनी गायिका पार्वती राइको स्वर रहेको उक्त गीतमा निशान किरातको शब्द सृजना साथै खुशी थामी (खगेन्द्र) को लय तथा एरेन्ज रहेको छ भने सुरेश राइले रेकर्ड गराएका हुन् । ।

निर्देशक थमन के सी को निर्देशनमा निर्माण गरिएको उक्त गीतको भिडियोमा अनु राई, अमीत गुरुङ र गिता मगरको उत्कृष्ट अभिनय रहेको छ भने भिडियोलाई सागर तामाङले छायांकन तथा पुरन राइले सम्पादन गरेका छन् ।