काठमाडौँ । सर्वोच्च अदालतले सिधाकुरा अनलाइन पोर्टल तथा युट्युब च्यानलविरुद्ध परेको मुद्दा सुनुवाइका लागि ९ न्यायाधीशको बृहत इजलास गठन गरेको छ ।
प्रधानन्यायाधीश विश्वम्भरप्रसाद श्रेष्ठ, न्यायाधीशहरू प्रकाशमान सिंह राउत, सपना प्रधान मल्ल, प्रकाशकुमार ढुंगाना, हरिप्रसाद फुयाल, नहकुल सुवेदी, विनोद शर्मा, महेश शर्मा पौडेल र बालकृष्ण ढकाल रहेको बृहत् इजलास गठन गरिएको हो ।
सामान्यतः ५ न्यायाधीशसम्मको इजलास गठन गर्ने प्रचलन छ । तर, सिधाकुराले प्रसारण गरेको विवादित अडिओका विषयमा सर्वोच्च अदालत प्रशासनले नै प्रतिवेदन उठाएर अदालतको अवहेलना मुद्दा दायर गरेपछि गत जेठ ३० गते न्यायाधीशद्वय कुमार चुडाल र विनोद शर्माको इजलासले दिएको आदेशबमोजिम आज बृहत् ९ सदस्यीय इजलास गठन गरिएको हो ।
उक्त इजलासले सिधाकुरा विरुद्धको मुद्दामा अहिले सुनुवाइ गरिरहेको सर्वोच्चका सहप्रवक्ता गोविन्दप्रसाद घिमिरेले जानकारी दिए ।
