कृषि समिति सभापतिमा कांग्रेसकी कुसुमदेवी थापा निर्विरोध चयन

काठमाडौँ । प्रतिनिधिसभाको कृषि, सहकारी तथा प्राकृतिक स्रोत समितिको सभापति मा नेपाली कांग्रेसकी सांसद कुसुमदेवी थापा निर्विरोध चयन भएकी छन् ।

कांग्रेस सांसद वीरबहादुर बलायरको प्रस्ताव र नेकपा एमालेका सांसद सूर्यप्रसाद ढकालको समर्थनमा थापा निर्विरोध सभापति चयन भएकी हुन् ।

समितिका ज्येष्ठ सदस्य टेकबहादुर गुरुङले थापा सभापतिमा निर्विरोध चयन भएको घोषणा गरेका हुन् ।

मंगलबार समितिको सभापति निर्वाचनको कार्यतालिका थियो ।

यसअघिका समिति सभापति डा।आरजु राणा परराष्ट्रमन्त्री नियुक्त भएपछि कृषि समिति सभापति पद रिक्त रहेको थियो ।