एजेन्सी । सन् २०२३ मा एकदिवसीय ढाँचामा हुने एसिया कप २०२३ लाई लिएर लामो समयदेखि विवाद थियो । टूर्नामेन्ट पाकिस्तानले आयोजना गर्दैछ र बीसीसीआई सचिव जय शाहले भारतीय टोलीलाई पाकिस्तान जान अस्वीकार गरेका थिए।
पाकिस्तानले हाइब्रिड मोडल ल्याएपछि त्यसलाई लिएर पनि लामो समयदेखि विवाद चलिरहेको थियो ।
तर, अहिले यसको अन्त्य भएको छ ।
पीटीआईले जारी गरेको रिपोर्ट अनुसार ढिलै भएपनि एसियाली क्रिकेट काउन्सिलले एसिया कप २०२३ को लागि पाकिस्तानको हाइब्रिड मोडललाई स्वीकार गरेको छ।
पाकिस्तानले हाइब्रिड मोडल ल्याएपछि नजम सेठीले पहिलो चार गैर–भारतीय खेल पाकिस्तानमा आयोजना गर्ने प्रस्ताव राखेका थिए। हाल जय शाहको अध्यक्षतामा रहेको एसीसीले यसलाई स्वीकार गरेको छ ।
यी चार खेलबाहेक एसिया कप श्रीलंकाको गाले र पल्लेकेलेमा आयोजना गर्ने निर्णय भएको छ ।
अर्थात् लामो समयदेखि चलेको यो विवादपछि अब टोर्नामेन्ट हुने प्रष्ट बाटो खुलेको छ ।
त्यस्तै विश्वकप २०२३ को विवाद पनि अन्त्य भएको बताइएको छ ।
एसिया कपको सन्दर्भमा जारी गरिएको प्रतिवेदनमा एसीसीले जुन १३ जुन मंगलबार यसबारे आधिकारिक घोषणा गर्न सक्ने बताइएको छ ।
यसै वर्ष भारतमा हुने एकदिवसीय विश्वकपका लागि पाकिस्तानी टोली आएपछि पनि तस्वीर स्पष्ट भएको छ । ओमान क्रिकेट बोर्डका प्रमुख र एसीसी सदस्य पंकज खिम्जीले श्रीलंका, बंगलादेश र अफगानिस्तान बोर्डहरूको विरोधको बाबजुद पाकिस्तानको हाइब्रिड मोडेललाई समर्थन गरेको छ।
