प्रचण्डको उथलपुथलको औचित्य सकियोः योगेश भट्टराई

काठमाडौँ । नेकपा एमालेका सांसद योगेश भट्टराईले प्रधानमन्त्री पुष्पकमल दाहाल प्रचण्डको उथलपुथलको औचित्य सकिएको बताएका छन् ।

शुक्रबार प्रधानमन्त्री प्रचण्डको विश्वासको मतमाथिको छलफलमा बोल्दै उनले प्रचण्डको उथलपुथलले हिजो देशलाई केही गरे पनि आज उथलपुथलको औचित्य सकिएको बताएका हुन् ।

‘तपाईंको जिन्दगी उथलपुथलपूर्ण नै छ तर हिजो तपाईंको उथलपुथलको औचित्य थियो होला, देशलाई केही भयो होला, अब त्यो उथलपुथलले थचक्क आफ्नो ठाउँमा बस्नबाहेक केही छैन । अब उथलपुथलले काम गर्दैन ।’

उनले आफूहरुले प्रधानमन्त्री प्रचण्डलाई समीक्षा गर्न समय दिएको बताए ।