सुनको भाउ अहिलेसम्मकै उच्च

काठमाडौँ । सुनको भाउले अहिलेसम्मकै उच्च मूल्य रेकर्ड बनाएको छ ।

आज सुन तोलामा १ हजार ८०० रुपैयाँले बढेर अहिलेसम्मकै उच्च तोलाको १ लाख ४६ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

यसअघि गएको आइतवार सुन अहिलेसम्मकै उच्च तोलामा १ लाख ४५ हजार ४०० रुपैयाँ कायम भएर रेकर्ड बनाएको थियो ।

त्यस्तै चाँदीको भाउ पनि आज १५ रुपैयाँले बढेको छ । आज चाँदी तोलाको १ हजार ९०० रुपैयाँमा कारोबार भइरहेको महासङ्घको भनाइ रहेको छ ।