काठमाडौँ । नेसनल लाइफ इन्स्योरेन्स कम्पनी लिमिटेडले बूढानीलकण्ठस्थित होटल लेमन ट्री प्रिमियरमा ‘नेसनल रत्न अवार्ड’ कार्यक्रम सम्पन्न गरेको छ । कम्पनीले प्रमुख कार्यकारी अधिकृत (सीईओ) सुरेशप्रसाद खत्रीको सभापतित्वमा सम्मान कार्यक्रमको आयोजना गरेको हो ।
कम्पनीले नेसनल अवार्डअन्तर्गत नेसनल रत्न छनोट हुन सफल वाग्मती प्रदेशका करिब ३५ जना अभिकर्ताहरूलाई सम्मान गरेको थियो ।
समारोहमा नेसनल रत्न विजेता अभिकर्ताहरूलाई नेसनल लाइफ लोगो अंकित चाँदीको मेडल, सर्टिफिकेट र खादाबाट सम्मान गर्दै सीईओ खत्रीले कम्पनीका सबै संरचनाहरू उत्कृष्ट रहेको र कम्पनीमा बिमा गर्ने बिमितहरूलाई उच्च प्रतिफल दिन सफल हुनुमा अभिकर्ता सञ्जालको महत्त्वपूर्ण भूमिका रहने बताए ।
त्यस्तै, अभिकर्ता सञ्जाललाई प्रविधिमैत्री एवं व्यावसायिक बनाउन थप लगानी गर्दै जान पनि सीईओ खत्रीले बताए ।
उनले नेसनल रत्नमा छनोट हुने अभिकर्ताहरूलाई प्रदेशस्तरीय सम्मान कार्यक्रम सम्पन्न गर्दै लाने कम्पनीको योजना अनुसार काठमाडौँमा वाग्मती प्रदेशका अभिकर्ताहरूबाट सम्मान गरिएको बताए ।
उनले यसभन्दा अगाडि इटहरीमा कोसी र मधेस प्रदेशका अभिकर्ताहरूलाई सम्मान गरिसेकेको र अन्य प्रदेशका बाँकी अभिकर्ताहरूलाई पनि छिट्टै सम्मान गरिने जानकारी गराए ।
