काठमाडौँ । सतिश सिंहलाई मधेश प्रदेशको मुख्यमन्त्रीको उम्मेदवार बनाउने जनमत पार्टीले निर्णय गरेको छ ।
पार्टीको केन्द्रीय सचिवालय बैठकले उनलाई मुख्यमन्त्रीको उम्मेदवार बनाउने निर्णय भएको पार्टी सचिव विपी साहले जानकारी दिए ।
मधेशमा जनमतको नेतृत्वमा सरकार बनाउन एमाले, माओवादी केन्द्र र एकीकृत समाजवादीबीच सहमति भइसकेको जनाइएको छ ।
पहिले संसदीय दलका नेता महेशप्रसाद यादवलाई मुख्यमन्त्री बनाउने भनिए पनि जनमत पार्टीले अन्तिममा सतिश सिंहलाई मुख्यमन्त्री बनाउने निर्णय गरेको हो । सिंह सप्तरी क्षेत्र–२ (क)बाट प्रत्यक्ष निर्वाचित प्रदेश सभा सदस्य हो । यादव २०७९ पौष २७ गते मुख्यमन्त्री बनेका थिए ।
मधेश प्रदेशका मुख्यमन्त्री तथा जसपाका नेता सरोजकुमार यादवले बुधबार प्रदेश सभा बैठकमा विश्वासको मत नपाएपछि उनको नेतृत्वको सरकार ढलेको हो । मुख्यमन्त्री यादवले राखेको विश्वासको मतको पक्षमा ५० मतपरेको थियो भने विपक्षमा ५३ मत परेको थियो । १०७ सदस्य रहेको मधेश प्रदेशसभाको बुधबारको बैठकमा १०३ सांसद उपस्थित थिए ।
