मधेशका मुख्यमन्त्री यादवले आज नै विश्वासको मत लिने

काठमाडौँ । मधेश प्रदेशका मुख्यमन्त्री सरोजकुमार यादवले आज नै विश्वासको मत लिने भएका छन् । सभामुखले कार्यसूची नहटाएपछि मुख्यमन्त्री यादवले आज नै विश्वासको मत लिने भएका हुन् ।

आफू अस्वस्थ भएको भन्दै मुख्यमन्त्री यादवले २८ जेठमा विश्वासको मत लिन प्रदेशसभा सचिवालयमा पत्र पठाएका थिए । तर सभामुख रामचन्द्र मण्डलले बुधबार नै मुख्यमन्त्रीले विश्वासको मत लिने कार्यसूची बनिसकेको भन्दै त्यसलाई हटाउन अस्वीकार गरेपछि विश्वासको मत लिने प्रकृया अघि बढेको हो ।

संविधान अनुसार मुख्यमन्त्रीले विश्वासको मत लिने बुधबार नै अन्तिम दिन हो । जसपा नेपाल विभाजन भएको ३० दिन भएको भन्दै उनले संवैधानिक जटिलता उत्पन्न हुन सक्ने भएकाले विश्वासको मत लिने कार्यसूची रहेको छ ।