अष्ट्रेलियामा दुई नेपालीको मृत्यु

सिड्नी । अष्ट्रेलियाको न्यु साउथ वेल्समा पानीमा डुबेर दुई नेपाली युवाको मृत्यु भएको छ । केप सोलान्डर ड्राइभ कर्नेलमा माछा मार्न गएका दुई जना नेपाली युवाको सोमबार पौने ३ बजे पानीमा डुबेर मृत्यु भएको हो ।

सेभेन न्यूज अष्ट्रेलियाका अनुसार कर्नेल चट्टानमा माछा मार्ने क्रममा उनीहरुलाई समुन्द्रको छालले तानेर डुबाएको बताइएको छ । हेलिकोप्टरको सहायताले उनीहरुको शव पानीबाट निकालिएको थियो ।

मृत्यु हुनेहरुको थप परिचय खुलाइएको छैन । तथापी उनीहरु २२ र २५ वर्षीय युवाहरु रहेको बताइएको छ ।

कर्नेल चट्टान निकै जोखिम भएको स्थान हो । सो क्षेत्रमा बसेर माछा मार्ने क्रममा समुन्द्री छालले मानिहरुको ज्यान लिने गरेको छ ।