काठमाडौं । सांग्रिला डेभलपमेन्ट बैंक लिमिटेडले विश्व वातावरण दिवसका अवसरमा आयोजना गर्न लागिएको साइकल र्यालीमा सहभागि हुन आह्वान गरेको छ ।
१९ जेठ (विश्व वातावरण दिवस) मा आयोजना हुने साइकल र्यालीका लागि रजिस्ट्रेसन खुल्ला गरिएको भन्दै बैंकले सहभागिताका लागि आह्वान गरेको हो ।
‘इन्धन बचाऔं, वातावरण जोगाऔं’ भन्ने नाराका साथ डेभलपमेन्ट बैंकर्स एसोसिएसन नेपाल, बीवाईडी तथा अन्य संघसंस्थाहरूसँगको सहकार्यमा साइकल र्याली आयोजना गर्न लागिएको बैंकले जारी गरेका विज्ञप्तिमा उल्लेख छ ।
साइकल र्यालीमा सहभागी हुन चाहने इच्छुक व्यक्तिले १६ जेठसम्म https://www.shangrilabank.com/cyclerally/ लिंकमार्फत निशुल्क रजिस्ट्रेसन दर्ता गर्न सक्ने बैंकले जनाएको छ ।
साइकल र्याली १९ जेठ बिहान ७ बजेदेखि सानोगौचरन मैदानबाट सुरु हुँदै नागपोखरी, नारायणहिटी, दरबार मार्ग, भद्रकाली मन्दिर, शहीद गेट, त्रिपूरेश्वर रंगशाला, थापाथली, माइतीघर, बिजुली बजार, नयाँ बानेश्वर पानी ट्याङकी, पुरानो बानेश्वर, गौशाला, रातोपुल, जर्मन एम्बेसीबाट, सानोगौचरन मैदानमा पुगी समापन हुने छ ।
